2024-2025 оқу жылына оқушыларды қабылдау
Қазақстан Республикасының Мәдениет және ақпарат министрлігінің «Күләш Байсейітова атындағы дарынды балаларға арналған республикалық мамандандырылған музыкалық мектеп-интернаты» республикалық мемлекеттік мекемесі 2024-2025 оқу жылына қоса берілген квотаға сәйкес келесі мамандықтар бойынша 1-сыныпқа оқушыларды қабылдауды жариялайды (№2 қосымша):
- арнайы фортепиано
- скрипка, альт
- виолончель, контрабас, арфа
- халық аспаптары (домбыра, кобыз-прима, кыл-кобыз, баян, домра-прима, шертер)
- үрмелі аспаптар 1-сыныпқа блок-флейтаға (бөлінген квота бойынша 3-сыныптан бастап флейта, гобой, кларнет, фагот, саксофон, валторна, труба, тромбон, туба және ұрмалы аспаптарына ауыстырылады).
Қабылдау «Білім алушыларды қабылдау Ережелеріне» сәйкес жүзеге асырылады (http://baiseitovaschool.skom.kz/ru/priem-obuchayushchikhsya/140-pravila-priema-obuchayushchikhsya)
1-сыныпқа түсу үшін конкурсқа 6-7 жас аралығындағы, осы мерзімге дейін (бастауыш, негізгі орта, жалпы орта) білім беру ұйымдарында оқымаған, мамандандырылған музыкалық мектепте оқу үшін айқын музыкалық қабілеттері бар, мектепалды даярлықтан өткен балалар жіберіледі.
- Конкурс 3 турда өткізіледі:
- І тур – табиғи музыкалық қабілетін анықтауға арналған тестілеу:
- Интонация – танымал балалар репертуарындағы әннің кемінде екі шумағын (куплетін) орындау (Қазақстан Республикасының әнұранын орындауға рұқсат етілмейді).
- Музыкалық есту қабілеті – дыбыстардың санын анықтай отырып, фортепианода орындалған бір немесе бірнеше дыбыстардың (екі-үш) биіктігін дауыспен барынша дәл орындау.
- Музыкалық есте сақтау қабілеті – музыкалық әуендерді 4 өлшемге дейін есте сақтау, содан кейін дауыспен максималды дәл орындау.
- Ырғақ – ырғақты суреттерді 4 тактіге дейін есте сақтау, содан кейін шапалақтау арқылы мүмкіндігінше дәл қайталау.
- Кандидаттың қалауы бойынша аспапта екіден артық емес пьеса орындау.
- ІІ тур - үміткерлердің музыкалық қабілетін неғұрлым терең диагностикалау және бағалау:
- Интонация – кең ауқымды және ырғақты өрнегі бар танымал балалар репертуарындағы әннің кем дегенде екі шумағын (куплетін) орындау. (бірінші турдағы әнді қайтаданорындауға және Қазақстан Республикасының әнұранын орындауға рұқсат берілмейді)
- Музыкалық есту – фортепианода бір мезетте орындалған барлық дыбыстардың (екі-үш) биіктігін дауыспен барынша дәл орындау, жеделдетіп ойналған дыбыстар санын және аккорд құрылымын анықтау.
- Музыкалық есте сақтау – 4 тактіден тұратын және одан да көп күрделі ырғақты үлгілердегі жеделдетілген темптегі музыкалық әуендерді есте сақтап, мүмкіндігінше дәл орындау.
- Музыкалық есте сақтау – күрделі ырғақты топтамаларын тез арада қайталап, содан кейін оларды мүмкіндігінше дәл және жылдам ойнатумен 4 тактіден және одан да көп музыкалық әуендерді есте сақтау.
- Ырғақ – 4-тен 8 тактіге дейінгі жеделдетілген, күрделі ырғақты топтамаларды есте сақтап, содан кейін дыбыстардың ұзақтығын және олардың реттілігін мүмкіндігінше дәл орындау.
- Кандидаттың қалауы бойынша аспапта саны 2 аспайтын пьесаны орындау (бірінші турдың пьесаларын қайта орындауға рұқсат берілмейді).
Қабылдау кезінде аспапта орындау міндетті емес, тек қатысушылардың қалауы бойынша.
- ІІІ тур – үміткерлердің музыкалық дарынды балаларға арналған мектепте оқуға психологиялық дайындығын тексеру.
Білім алушыларды қабылдау Ережелеріне сәйкес барлық 3 турдан өткен және I мен II турдың қорытындысы бойынша жоғары балл жинаған конкурсанттар 1-сыныпқа қабылданады.
Аспаптар бойынша бөлу құқығы – қоса берілген квотаға сәйкес қабылдау комиссиясының құзырлығында. Оқыту тілін таңдау құқығы ата-аналарға (заңды өкілдерге) беріледі.
Оқыту қазақ және орыс тілдерінде жүргізіледі. Оқу мерзімі-12 жыл.
Қазақстанның шалғай аудандары мен облыстарынан келген балаларды мектеп жанындағы интернатқа қабылдауды мектеп жанындағы интернат жөніндегі комиссия оқу жылы басталар алдында тамыз айында тұрғылықты жерінен электрондық үкімет порталы (e-gov) арқылы растайтын құжаттар негізінде қарайды. Өтініш берген кезде мекенжайды растау скриншоты құжаттарға қоса берілу қажет.
II. 1-сыныпқа түсуге конкурсқа қатысу үшін құжаттарды қабылдау 2024 жылғы 29 сәуірден 29 мамырға дейін (сағат 18.00-ге дейін) электрондық форматта (сканерленген) Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. пошта мекенжайына жүзеге асырылады.
1-сыныпқа түсу үшін қажетті құжаттар:
· баланың ата-анасынан немесе өзге де заңды өкілдерінен өтініш (№1 қосымша);
· ЖСН көрсетілген үміткердің туу туралы куәлігі;
· 3х4 өлшемді үміткердің суреті;
· медициналық құжаттар: денсаулық паспорты, жеке медициналық карта (№ 26Т.), профилактикалық егу картасы (№ 63 т.);
· электрондық үкімет порталы (e-gov) арқылы алынған тұрғылықты жерін растайтын құжат: өтініш берген кезде тұрғылықты мекен-жайын тіркеу туралы скриншот (мектеп жанындағы интернатқа мұқтаждар үшін)
1-сыныпқа қабылдау емтихандарын өткізу мерзімдері:
- 1 тур – 3 маусым - 09.30 – тыңдалуы
- 2 тур – 5 маусым - 09.30 – тыңдалуы
- 3 тур – 8 маусым - 09.30 – психологиялық тесті
- 10 маусым – қабылдау комиссиясының отырысы, 1-сыныпқа қабылдау
- 11 маусым – 15:00 – қабылдау емтихандарының нәтижелерін жариялау және ата-аналар жиналысы
Апелляцияға өтініш беру тыңдау өткізілген күннен кейінгі жұмыс күні сағат 13.00-ден кешіктірмей электрондық Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. поштаға жолдау арқылы жүзеге асырылады
Біздің мекенжай: 050040, Алматы қаласы, Байзакова көшесі, 304
Анықтама телефондары : 8 (727) 394-96-05
8 (727) 394-94-60
Ата-аналардың (немесе өзге де заңды өкілдердің) назарына !!!
- кез-келген аурудың белгілері бар үміткерді әкелмеу;
- үміткерді конкурстық турға кешікпей алып келіп, және оны тыңдалуы аяқталғаннан кейін бірден алу қажет.
ӘКІМШІЛІК
Қосымша № 1
ҚР МАМ Мәдениет комитетінің
«Күләш Байсейітова атындағы
дарынды балаларға арналған РММОМИ» РММ
директоры
Б.Т. Абдрашевқа
Аты-жөні __________________________________
Жеке куәлік №________________
Берілді (кіммен және қашан) __________________
________________________________________
Тұрғылықты жерін тіркеу мекенжайы___________________________________
Нақты тұрғылықты мекенжайы___________________________________
Телефон_________________________________
Өтініш
Баламды (толық аты-жөні) ________________________________________
туған күні ______________________, ҚР Мәдениет және ақпарат министрлігінің "Күләш Байсейітова атындағы дарынды балаларға арналған РМСМШИ" РММ Алматы қ.,__________________мамандығы бойынша ________ сыныпта оқу үшін
(мамандығын көрсетіп)
конкурстық іріктеуге жіберуіңізді сұраймын
қазақ/орыс тілінде оқытуымен (керегінің астын сызу)
Мектеп жанындағы интернатта жатын орны ______________________________________________.
(көрсету: қажет емес, қажет емес)
Датасы _____________
Қолы _____________
